Odu a nga wu zañ ñgbwa ébaé

A nga bo na, Odu ba Abañ ñgbwa, ba Ze ñgbwa fok. Nde Ze a zu a jeñ Abañ, te yene vôm a ye yene nye. Nye  Odu na,

« A mô, ye ô ne fo’o yene vôm Abañ a to ? »

Odu na,

“Nde bia Abañ ke bi akandan ? »

Ze na,

« Ye ô ne liti me nye ? »

Nye na,

« Ke été été ».

Odu na,

« Bo’o na, nge w’akômbô yen Abañ, ô vô’ôlô tyiñe jam. Ane ô wô’ô na, ‘A soya ôsôé, a zuya betebe’, ô ji’a zu”.

Nde Abañ a wô’ô zu betebe beta éban.

Nde Odu a nga kui be Abañ, ba Abañe fe be nga laa minlañ. Abañe na,

« Môt a wô’ô me siñ kindi’i wôé”.

Odu na,

“Za ?”

Nye na,

« Ze ».

Nye na,

« Bo’o na, éyoñ ése ô to, ô vô’ôlô’ô ve nkobô wom. Ane ô wô’ô na, ‘Monômonô, a mve’ane bebé’, ô kôlô vôm ô to. O yeme na, a soya ».

Nde Odu a nga tabe, ve Ze a vô’ôlô.

Eyoñ vian vi ataté faé na, Abañ ve so mendime si, ve bebe beta éban. Odu ke ve zu bebe, nye na,

“A soya ôsôé, a zuya bebe”.

Ve Ze a nga zu. Ze na,

“Nne fo’o bi nga jô va”.

Ze ba Abañ be nto ve ne ve’ave’an, Odu na,

“Monômonô, a mve’ane bebé”.

Abañe na,

« Nge Odu a kobô nyô, Ze a soya fo’o »

Abañ ôsôé, jôô ! Ze a nga kute kôp, nye na,

“Jé j’ate bo nye va, me te ke duñ ? »

Odu na,

« M’ayem ».

Odu a bo nalé miaé mibaé. Miaé lale, Ze ve yeme fe’Odu. Aso Ze a nga so na, Odu mo, kilit ! Odu a kate fe, Ze na,

“Momo, me yemeya na, wo w’akpwe’ele ma”.

A nga té nlô. Odu a wôlô ana a njoñ.

Bi ayiane tabe ntye, éyoñ ô tele bôte bebaé zañ, ô za wu, nge w’abo njoñ.